Ráðherrafundur EFTA, Fríversl-unarsamtaka Evrópu, verður haldinn í Vestmannaeyjum dagana 22. til 23. júní næstkom-andi. Um er að ræða árlegan fund en gera má ráð fyrir að rúmlega eitt hundrað manns sæki fundinn frá öllum aðildar-ríkjum EFTA, Íslandi, Noregi, Sviss og Liechtenstein. �?á er einnig von á fulltrúum frá Filippseyjum en áætlað er að EFTA og ráðherra ríkisstjórnar Filippseyja skrifi undir vilja-yfirlýsingu um viðræður um fríverslunarsamning milli EFTA og Filippseyja.

Ráðherrafundir EFTA eru haldnir til skiptis í löndunum fjórum en á Íslandi hefur verið til siðs að halda fundina í Reykjavík og á landsbyggðinni til skiptis. Ráðherrafundur EFTA fór síðast fram í Reykjavík 2010 en hefur auk þess farið fram á Akureyri, Egilsstöðum og Höfn í Hornafirði. Von er á utanríkisráðherrum Íslands og Liechtenstein og viðskiptaráðherrum Noregs og Sviss, auk þess sem þingmenn og aðilar vinnumarkaðarins frá sömu ríkjum sækja fundinn.

Eyjamaðurinn Martin Eyjólfsson er fastafulltrúi Íslands gagnvart EFTA í Genf en hann mun að sjálfsögðu sækja fundinn. �??Á svona fundum er farið vítt og breitt yfir stöðuna í fríverslunarmálum EFTA-ríkjanna. Hvernig samningaviðræður ganga og hvar skuli bera næst niður. EFTA-ríkin hafa í sameiningu gert 25 fríverslunarsamninga við 36 ríki,�?? sagði Martin þegar hann var spurður út í fundinn.