- Eyjafréttir
- ·
- Fréttir
- ·
Fimm marka sigur hjá KFS
KFS er komið með tíu stiga forskot í B-riðli 4. deildar eftir 6:1 stórsigur á KB í dag. Leikur liðanna fór fram á �?órsvelli en markahrókurinn Tryggvi Guðmundsson skoraði þrennu í leiknum. Hin mörkin gerðu þeir Stefán Björn Hauksson (2) og Guðjón �?lafsson en gestirnir úr KB jöfnuðu 1:1 um miðjan fyrri hálfleikinn. Ingólfur Einisson lagði upp þrjú mörk fyrir KFS en í liðið vantaði framherjann eldsnögga Gauta �?orvarðarson.
Eyjaliðið er sem fyrr á toppi B-riðils með 28 stig, tíu stigum meira en Vængir Júpíters, sem eru í öðru sæti riðilsins en Vængirnir eiga reyndar leik til góða. KFS á eftir fjóra leiki í riðlakeppninni en tvö efstu liðin fara í úrslitin. �?að virðist því fátt geta komið í veg fyrir að KFS fari í úrslitakeppni 4. deildar.
