�?lafur Elísson, sparisjóðsstjóri, hefur sagt starfi sínu lausu. �?etta staðfesti hann í samtali við Eyjafréttir. �?lafur hefur starfað sem sparisjóðsstjóri í 15 ár, verið stofnfjáreigandi síðan 1982 og hefur því verið viðloðandi Sparisjóðinn í rúm 30 ár. �?lafur lagði fram uppsögn til stjórnar í lok síðustu viku og tilkynnti starfsmönnum sjóðsins þetta í tölvupósti og á fundi í byrjun vikunnar en ekki liggur endanlega fyrir hvenær starfslok verða.

�??Að starfa sem sparisjóðsstjóri hefur verið viðburðaríkur og að mestu ánægjulegur tími. Nú er komið að kaflaskilum en það sem eftir stendur er ánægjulegt samstarf við gott fólk sem hefur starfað og starfar enn í Sparisjóði Vestmannaeyja,�?? sagði �?lafur í stuttu samtali við Eyjafréttir en hann segist ganga sáttur frá borði.

Eins og alkunna er, hefur töluvert gefið á bátinn síðustu ár í rekstri sparisjóðanna og hefur þeim fækkað jafnt og þétt. Ekki eru svo mörg ár síðan sparisjóðirnir voru á annan tug hringinn í kringum landið. Af þeim sjö sem nú eru starfandi, eru tveir í meirihlutaeigu ríkisins, Sparisjóður Norðurlands og Sparisjóður Vestmannaeyja auk þess sem Bankasýslan stýrir tæplega 50% hlut í Sparisjóði Norðfjarðar og einn er í eigu eins af stóru bönkunum. Unnið hefur verið að endurskipulagningu í Sparisjóðnum en rekstrarleg staða sparisjóðanna hefur verið erfið eftir bankahrun. Hugmyndir um frekari sameiningar sparisjóðanna hafa verið í umræðunni.