Samkvæmt nokkuð öruggum heimildum Eyjafrétta, verður Páley Borgþórsdóttir ráðin lögreglustjóri í Vestmannaeyjum en tilkynnt verður um ráðninguna síðar í dag. Páley, sem er héraðsdómslögfræðingur, var ein fimm umsækjenda en umsóknarfrestur rann út 18. ágúst. �?eir sem sóttu um auk Páleyjar voru Birgir Jónasson, aðstoðarsaksóknari hjá embætti sérstaks saksóknara, Gunnar �?rn Jónsson, fulltrúi hjá embætti sýslumanns á Selfossi, Helgi Már �?lafsson, lögmaður, Karl Ingi Vilbergsson, aðstoðarsaksóknari hjá lögreglustjóranum á höfuðborgarsvæðinu.

Páley hefur setið í bæjarstjórn Vestmannaeyja fyrir Sjálfstæðisflokkinn frá árinu 2006 og er nú formaður bæjarráðs. Hún starfaði m.a. sem fulltrúi Sýslumannsins í Vestmannaeyjum árin 2002 til 2007 en starfar nú hjá lögfræðifyrirtækinu Pacta. Skipað er í lögreglustjóraembættið til fimm ára.

Innanríkisráðuneytið var að staðfesta frétt Eyjafrétta um ráðningu Páleyjar sem lögreglustjóra í Vestmannaeyjum.