Heimsigling Sigurðar VE eftir viðgerð í Noregi gengur hægt vegna veðurs. Í morgun var skipið um 40 sjómílur suðvestur af Suðurey í Færeyjum. �?orbjörn Víglundsson skipverji segir nú að Sigurður sé um 90 sjómílur vestsuðvestur af Færeyjum. Hann segir í samtali við Eyjafréttir.is að skipið hafi ekki komist nema tæpar 50 sjómílur frá því í morgun, á 12 klukkustundum hafi Sigurður siglt jafn langt og hægt sé að sigla skipinu á þremur klukkustundum við góð skilyrði.

�??Veðrið versnaði í dag og er með versta móti núna. Við förum ekki nema um 4 hnúta á klukkustund. �?að má segja að við séum bara í fyrsta gír,�?? segir �?orbjörn. Að svo komnu máli er erfitt að segja til um heimkomu skipsins en stefnt er að því að ná til hafnar í Eyjum síðar í vikunni.

�?orbjörn veitti Eyjafréttum leyfi til að birta meðfylgjandi myndband sem hann birti á Facebook síðu sinni síðdegis með eftirfarandi texta: �??Enn blæs hann og fer ekki undir 22 metra á sekúndu og yfir 30 metra á sekúndu í hviðum. Haugasjór og samkvæmt veðurspá er hann ekkert að fara að lægja.�??