Metfjöldi farþega ferðaðist með Herjólfi á árinu 2014, eða 296.974 talsins. Er það tæplega tvö þúsund farþegum fleira en árið 2012 þegar þeir voru 295.000 en það ár var farþegafjöldinn næst mestur. Í mars á síðasta ári var nokkurra vikna verkfall hjá undirmönnum Herjólfs, það hafði á sjálfsögðu áhrif á flutninga skipsins. Gunnlaugur Grettisson rekstrarstjóri Herjólfs segist áætla að farþegafjöldinn hefði orðið um 4500 fleiri hefði ekki orðið af þessu verkfalli og að farþegafjöldinn hefði þá farið yfir 300 þúsund á árinu.

Á árinu 2014 flutti Herjólfur 67.501 bíla milli lands og Eyja en bæði árin 2012 og 2013 flutti skipið fleiri bíla.

Greinilegt er á samanburðartölum á flutningum Herjólfs frá árinu 2006 til 2014, að þegar siglingar hófust í Landeyjahöfn árið 2010, snarjukust bæði bíla- og farþegaflutningar Herjólfs. Bæði kemur þar til að siglt er oftar í Landeyjahöfn en �?orlákshöfn og svo hitt að fólk ferðast frekar með skipinu ef siglt er um Landeyjahöfn.

Hér að neðan má sjá samanburðartölur á flutningum Herjólfs með bíla og farþega frá árinu 2006 �?? 2014.