- Eyjafréttir
- ·
- Fréttir
- ·
Lykilmenn í landsleikjafríi
Mbl.is skýrir frá því í morgun, að Íslandsmeistarar Stjörnunnar og Eyjamenn gætu hvort um sig misst lykilmann úr sínum röðum mestallan júlímánuð vegna Gold Cup, úrslitakeppni Norður- og Mið-Ameríku í knattspyrnu karla sem þá fer fram í Bandaríkjunum og Kanada.
Pablo Punyed, miðjumaður Stjörnunnar, og Jonathan Glenn, framherji ÍBV og næstmarkahæsti leikmaður Pepsi-deildar karla 2014, gætu spilað með landsliðum El Salvador og Trínidad og Tóbagó í keppninni. Báðar þjóðir eru í hópi þeirra tólf sem leika til úrslita.
Glenn og Punyed voru valdir í landslið þjóða sinna í fyrsta skipti síðasta haust eftir góða frammistöðu á Íslandi. Glenn lék með Trínidad og Tóbagó í úrslitakeppni Karíbahafsbikarsins í nóvember og Punyed spilaði þrjá vináttulandsleiki með El Salvador í október og nóvember.
Nýjustu fréttir
Mest lesið
