Á sjónvarpsstöðinni ÍNN er þessar vikurnar háð spurningakeppni milli hinna ýmsu átthagafélaga. Átthagafélag Vestmannaeyinga á Reykjavíkursvæðinu ÁTVR, er með lið í keppninni hefur gengið ágætlega, er komið í undanúrslit, en þau fara fram í Breiðfirðingarbúð, Skeifunni 14 í Reykjavík, fimmtudaginn 5. mars kl. 20.00. Ástæða er til að hvetja alla sem aðstæður hafa, að mæta á keppnisstað og styðja okkar glæsilega keppnislið, en liðið skipa: Gunnar Geir Gunnarsson, Linda Kristín Ragnarsdóttir og Oddgeir Eysteinsson.