�?að er allt að verða klárt í Landakirkju fyrir “Blues brothers”messu annað kvöld kl. 20.00. Í dag hafa staðið yfir stífar æfingar og má fá smjörþefinn af því sem í boði verður í myndbandinu hér að ofan.

En annað kvöld kl. 20:00 fagnar Landakirkja �?skulýðsdegi �?jóðkirkjunnar og mun því blása til tónlistarmessu í tilefni af því. Í þetta skiptið ætla Messuguttarnir, þeir Gísli Stefánsson, Birgir Nielsen, Kristinn Jónsson, Sæþór Vídó og Páll Viðar Kristinsson ásamt Pípulögnunum, þeim Matthíasi Harðarsyni, Guðlaugi �?lafssyni, �?lafi Ágústi Guðlaugssyni, Einari Hallgrími Jakobssyni og Jarli Sigurgeirssyni, að flytja fyrir okkur lög runnin undan rifjum The Blues Brothers. Margir kannast einmitt við kvikmyndina um þá bræður sem kom út árið 1980 og vakti mikla hylli.. Börn og unglingar í æskulýðsstafinu munu lesa ritningarlestra og bænir. Prestur verður sr. Guðmundur �?rn Jónsson en í tilefni að æskulýðsdeginum mun Gísli Stefánsson æskulýðsfulltrúi predika. Að sjalfssögðu er ekki krafist neins aðgangseyris utan kærleika og gleði, frekar en í öðrum messuathöfnum.

Engin messa verður því á hinum hefðbundna messutíma kl. 14.00 en barnaguðsþjónustan verður að sjálfsögðu á sínum stað kl. 11.00 og mun hljómsveit kvöldsins einnig taka þátt í henni.