“Sitjandi krákur þær svelta orti Megas á sínum tíma. Við getum vel samsvarað okkur í því peyjarnir því búið er að ráða kórstjóra og endurlífga Karlakór Vestmannaeyja sem legið hefur í dái hátt í hálfa öld.

Nú í kvöld [miðvikudaginn 15. apríl] skrifaði kórstjórinn �?órhallur Barðason undir ráðningarsamning við Karlakór Vestmannaeyja. �?essi fundur var rétt forleikur, en á eftir að halda formlegan stofnfund.

En að kórstjóranum, honum �?órhalli. Hann er búinn að sigra heiminn hvar sem hann kemur að kórstjórn. Nýjasta afrek sem hann getur státað sig af er að taka sjórekna, drykkfelda stýrimannsnema, þurrkað þá upp, klætt í hvíta skyrtu, skelt svörtu bindi um háls þeirra og tónað þá saman. �?eir enduðu helförina á því að vinna Söngvakeppni Framhaldsskóla árið 2012. Sem er mikið afrek.

Ef við líkjum honum við eitthvað sem tengist fótbolta þá er hann Mourinio kórstjóranna í heiminum. Svalur, kann að koma fyrir sig orði og kann ekki að tapa.

Búið er að ganga frá æfingasal. Fáum við sal Tónlistaskóla Vestamannaeyja og er fyrsta æfingin á miðvikudaginn næsta kl 20:00.

Við viljum hafa kórinn eins fjölbreyttan og hægt er, karlmenn á öllum aldri. Ungir sem aldnir.” segir í tilkynningu frá Ágústi Halldórssyni einum af forsprökkum kórsins.

Áhugasömum er bent á að gerast meðlimir fésbókarsíðu kórsins eða einfaldlega mæta á æfingu næstkomandi miðvikudag kl. 20.00 í sal Tónlistarskólans.

Karlakór Vestmannaeyja var stofnaður 1941 og var fyrsti söngstjórinn Helgi �?orláksson, kennari og síðar komu fleiri söngstjórar, má þar nefna Ragnar G Jónsson, í Berghól, þá organista í Landakirkju sem tók við stjórn kórsins 1945, ári eftir að Helgi hætti. Fleiri stjórnendur komu við sögu og má þar nefna Guðjón Pálsson, píanóleikara og Leif �?órarinsson tónskáld, en Ragnar tók við stjórn Karlakórsins á ný 1958 og var stjórnandi fram yfir 1960 er hann flutti frá Eyjum og hætti starfsemi kórsins í kjölfarið.