- Eyjafréttir
- ·
- Fréttir
- ·
Kynning á Háskólagáttinni í Visku í dag.
Mánudaginn 27. apríl verður Háskólinn á Bifröst með kynningu á Háskólagáttinni.
Kynningin fer fram í húsakynnum Visku, Fræðslu- og símenntunarmiðstöð Vestmannaeyja kl. 12-14.
Hulda Ingibjörg Rafnarsdóttir, forstöðumaður Háskólagáttar og Sandra Björk Jóhannsdóttir, verkefnastjóri kynna námsleiðina og annað námsframboð við Háskólann á Bifröst.
Háskólagáttin þjónar þeim sem þurfa á undirbúningsnámi að halda áður en hafist er handa við háskólanám. Hún er rétta byrjunin fyrir þá sem eru að hefja nám aftur eftir hlé og fyrir nemendur sem ekki hafa lokið stúdentsprófi og fullnægja ekki formlegum inntökuskilyrðum háskóla. Boðið er upp á nám í stað-og fjarnámi.
Allir velkomnir.
