- Eyjafréttir
- ·
- Fréttir
- ·
Mál Vestmannaeyjabæjar tekið fyrir í hæstarétti
Klukkan 09:00 hófst málaflutningur í hæstarétti þar sem Vestmannaeyjabær krefst þess að ógildur verði sölusamningur milli Bergs-Hugins og Síldarvinnslunnar um kaup og sölu á 5200 þorskígildum af kvóta og tveimur bátum ásamt fylgifé. Fyrir hönd Vestmannaeyjabæjar eru viðstaddir málaflutninginn þeir Elliði Vignisson, Bæjarstjóri og Stefán Jónasson, oddvita minnihlutans.
Krafa Vestmannaeyjabæjar byggir á því að sú litla vörn fyrir sjávarbyggðir sem byggð er í kvótakerfið með svo kölluðum forkaupsrétt verði virt en Vestmannaeyjabær vann málið í héraðsdómi en þar segir eftirfarandi í dómsorðum �??�?giltur er samningur um kaup stefnda, Síldarvinnslunnar hf., á öllum eignarhlutum í Bergi-Hugin ehf. af stefnda, Q44 ehf., dagsettur í ágúst 2012.�??
Fram kemur í dag á facebook síðu Elliða Vignissonar að það sé mikilvægt -fyrir sjávarbyggðir og útgerðir í landinu- að fá í eitt skipti fyrir öll úr því skorið hvort réttur sjávarbyggða eigi að vera virtur eða ekki.
