Selfoss áfram eftir vítakeppni

Eyjafréttir
·
Fréttir
·
3. júlí 2015

ÍBV og Selfoss mættust í 8-liða úrslitum í Borgunarbikar kvenna í dag. Selfoss sigraði að lokum í vítaspyrnukeppni eftir að staðan var markalaus eftir venjulegan leiktíma. Selfoss kemst því í undanútslit annað árið í röð með að leggja ÍBV af velli í vítaspyrnukeppni.

Leikurinn var fjörugur til að byrja með og áttu bæði lið ágæt tækifæri en náðu ekki að skapa neina almennilega hættu. Rétt undir lok fyrri hálfleiks fékk þó leikmaður Selfoss boltann í höndina en dómari leiksins dæmdi ekkert en líklega sáu allir aðrir það á vellinum. Síðari hálfleikur var tíðindalítill fyrstu mínúturnar en á 65. mínútu komst Selfoss í algjört dauðafæri en Bryndís Lára, markmaður ÍBV varði boltann frábærlega í slána. Næstu mínúturnar var mikið að gera hjá Bryndísi Láru í markinu og stóð hún sig frábærlega, hvert dauðafærið á eftir öðru hjá Selfossi. �?rátt fyrir nokkur frábær færi náði hvorugt lið að nýta sér það í venjulegum leiktíma og því var framlengt.

Undir lok fyrri hluta framlengingunar var brotið á Shenku Gordon en hún komst ein í gegnum vörn Selfyssinga og náði að pota í boltann á undan markverði þeirra, Chante Sandiford sem feldi hana svo og vítaspyrna dæmd. Cloe Laccase skoraði örugglega úr spyrnunni og staðan orðin 1-0 fyrir ÍBV. Í síðari hálfleik framlengingunar skoraði Kristín Erna Sigurlásdóttir en var dæmd rangstæð, undir lok framlengingunar braut Guðrún Bára á Magdalenu í liði Selfoss og dómari leiksins dæmdi vítaspyrnu sem Guðmunda Brynja nýtti en Bryndís Lára var þó í boltanum, dramatíkin mikil á lokamínútunum. Staðan var 1-1 þegar flautað var til leiksloka og vítakeppni staðreynd. Selfoss hafði betur þar 3-1, en ÍBV nýtti aðeins eina spyrnu en það var Cloe Laccase sem skoraði.

Vítakeppnin: ÍBV – Selfoss 1-3

0-0 – Guðmunda Brynja �?ladóttir, Selfossi (Bryndís Lára Hrafnkelsdóttir varði)

0-0 – Sabrína Lind Adolfsdóttir, ÍBV (Chante Sandiford varði)

0-1 – Dagný Brynjarsdóttir, Selfossi (mark)

1-1 – Cloe Lacasse, ÍBV (mark)

1-2 – Donna Kay Henry, Selfossi (mark)

1-2 – Sigríður Lára Garðarsdóttir, ÍBV (yfir markið)

1-2 – Magdalena Anna Reimus, Selfossi (yfir markið)

1-2 – Díana Dögg Magnúsdóttir, ÍBV (yfir markið)

1-3 – María Rós Arngrímsdóttir, Selfossi (mark)

Nýjustu fréttir

Minning

Útför: Einar Birgir Sigurjónsson

Íþróttir

Elís Þór æfði með A-landsliðinu

Aðsent

Treysti sér ekki til að vera heima og horfa á leikinn

Áhugavert

Gagnrýna samning bæjarins við rekstraraðila heilsuræktar

Sjávarútvegur

Lönduðu fullfermi í Grindavík

Aðsent

Líf og fjör á Suðurlandi: Barnamenningardagar framundan

Úr blaði Eyjafrétta

Tanja er íþróttamaður mánaðarins

Áhugavert

Tannverndarvika

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki