Jafntefli niðurstaðan í kaflaskiptum leik ::myndir
ÍBV og Akureyri mættust í kvöld þar sem liðin skildu jöfn 21-21. Leikurinn byrjaði rólega, eftir 12 mínútna leik var staðan 3-3 og markmenn beggja liða að verja vel. Á 15 mínútu skoraði Grétar �?ór Eyþórsson fimmta mark heimamann og kom þeim í 5-4. Eftir það kom mjög slæmur kafli hjá Eyjamönnum en tveimur mönnum fleiri jöfnuðu Akureyringar metin og komust yfir. �?að tók heimamenn um 10 mínútur til að skora sitt næsta mark en það koma á 25 mínútu þegar þeir minnkuðu muninn í 6-10.
Umdeilt atvik átti sér stað á 26 mínútu fyrri hálfleik en þá gáfu dómarar leiksins, Gísli og Hafsteinn, Kára Kristjáni beint rautt spjald. Áhorfendur furðuðu sig á dómnum en dómarar leiksins virtust vita hvað þarna gekk á en Kári átti að hafa gefið Ingimundi Ingimundarsyni olnbogaskot. Eyjamenn náðu að minnka muninn áður en hálfleikurinn var úti en staðan að honum loknum var 12-9 Akureyringum í vil.
Upphaf síðari hálfleiks var eign gestanna en eftir 42 mínútna leik var staðan 10-17 og útlitið svart. í stöðunni 12-17 tekur Arnar Pétursson, þjálfari ÍBV, leikhlé til að vekja lið sig af værum blundi en ef það væri ekki fyrir frábæran leik Stephen Nielsens, markmanni heimamanna, þá væri leikurinn búinn þarna, varði urmul af dauðafærum og gaf heimamönnum veika von. Leikhléið virkaði hjá Arnari og ÍBV minnkaði muninn jafnt og þétt. Á 54 mínútu leiksins jöfnuðu heimamenn metin 20-20 og við tóku æsilegar lokamínútur. Svo fór að bæði lið skoruðu eitt mark í viðbót og jafntefli niðurstaðan 21-21.
Eins og fyrr segir þá geta heimamenn þakkað markmanni sínum, Stephen Nielsen, fyrir þetta stig. Einnig stóð kollegi Nielsens úr marki Akureyringa mjög vel en báðir markmenn vörðu 20 skot eða 49% markvarsla.
Mörk ÍBV skoruðu: Grétar �?ór Eyþórsson 5, Magnús Stefánsson 4, Andri Heimir Friðriksson 3, Dagur Arnarsson 3, Hákon Daði Styrmisson 2, Einar Sverrisson 2, Brynjar Karl �?skarsson 1 og Nökkvi Dan Elliðason 1.
Stephen Nielsen var frábær og varði 20 skot þar af eitt víti.
Næsti leikur strákanna er gegn nýliðum Víkinga í Eyjum á föstudaginn klukkan 18.30

Nýjustu fréttir

Áhugavert
Frábær árangur FÍV – Eyjakonfekt til Tromsø
Íþróttir
Íþróttamaður mánaðarins – Helgi Ólafsson
Aðsent
Baldur á leið til Eyja
Úr blaði Eyjafrétta
Ekki brotna! Fræðsla og forvarnir um beinheilsu
Stjórnmál
Margrét aðstoðar Miðflokkinn
Fréttatilkynning
Herrakvöld fótboltans
Beint
Fundur bæjarstjórnar í beinni
Aðsend grein
Samgöngur og sannindi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.