Bærinn leggur fram 432 milljónir vegna vatnslagnarinnar
Vatnslögnin tekin á land í Eyjum. Mynd: Eyjafréttir/ÓPF.

Bæjarráð Vestmannaeyja hefur samþykkt 432 milljóna króna viðauka vegna kaupa og flutnings á vatnslögninni NSL-4. Fjárhæðin verður fjármögnuð með handbæru fé sveitarfélagsins, en bærinn telur að ríkið eigi að bera kostnaðinn.

Málið var til umfjöllunar á fundi bæjarráðs þann 6. október. Viðaukinn er vegna greiðslna til Subsea7 og NOV vegna kaupa og flutnings á lögninni.

Í fundargerðinni kemur fram að ekki hafi verið gert ráð fyrir greiðslunum í fjárheimildum ársins 2026. Ástæðan sé sú að bæjarstjórn telji almannavarnir vera á hendi ríkisins og að ríkið eigi því að greiða fyrir þær.

Bæjarráð samþykkti fjárfestingarviðaukann samhljóða.

Óska eftir staðfestingu ráðuneytisins

Vestmannaeyjabær hefur sent dómsmálaráðuneytinu erindi þar sem óskað er eftir formlegri staðfestingu á því að NSL-4 teljist almannavarnalögn og mikilvægur almannavarnainnviður. Lögninni er ætlað að tryggja órofinn aðgang Vestmannaeyjasamfélagsins að neysluvatni.

Jafnframt hefur bærinn óskað eftir að ráðuneytið komi þeirri afstöðu á framfæri við önnur hlutaðeigandi ráðuneyti svo unnt verði að ljúka viðræðum um fjármögnun verkefnisins.

Samkvæmt fundargerðinni átti afstaða dómsmálaráðuneytisins að berast innviðaráðuneytinu 1. október. Bæjarstjóri hafði óskað eftir afriti af svarinu, en það hafði ekki borist þegar bæjarráð fundaði.

Staða lagnarinnar enn til skoðunar

RÚV greindi frá því í gær að í þremur ráðuneytum væri verið að skoða hvort lögnin yrði viðurkennd sem almannavarnalögn. Sú viðurkenning liggur því ekki enn fyrir.

Samþykkt viðaukans felur í sér að sveitarfélagið fjármagnar greiðslurnar með handbæru fé á meðan það leitar niðurstöðu um aðkomu ríkisins.

Nýjustu fréttir

Úrslitakvöld Vöruhúsdeildarinnar í Höllinni á morgun
Feðgarnir mættust í þýsku B-deildinni – Erlingur fagnaði sigri
Gul viðvörun á Suðurlandi á laugardagskvöld
Heimir og Írar mæta Króatíu í umspilinu
Grýla gerir uppreisn fyrir fullu húsi
Viðar kvaddi tónlistarskólann á trommunum – myndir
Feðgar mætast í þýsku B-deildinni í kvöld
Segja skattóvissu draga úr hringsiglingum
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.