Kona sem ákærð var fyrir að sparka í pung manns í Vestmannaeyjum árið 2005var sýknuð í Héraðsdómi Suðurlands í gær. Dómnum þótti ekki sannað að konan hefði sparkað viljandi í klof mannsins, heldur hefði sparkið verið ósjálfráð viðbrögð við hálstaki sem maðurinn hafði á henni. Sparkið átti sér stað á veitingastaðnum Prófastinum í Vestmannaeyjum í júlí árið 2005. Í ákæru segir að konan hafi „sparkað í klof mannsins af miklu afli með þeim afleiðingum að hann missti andann og hneig niður, pissaði blóðlituðu þvagi og hlaut mar á pung, eymsli í hægri eistnalyppu og þvagrás.”