Leikmenn ÍBV sýndu styrk sinn í uppgjöri toppliða 1. deildarinnar þegar þeir tóku á móti Selfyssingum á Hásteinsvellinum í kvöld. Eyjamenn unnu 3:0 og áttu í raun ekki í teljandi vandræðum með slaka Selfyssingar, sem oft hafa leikið betur. ÍBV er nú komið með afgerandi forystu á toppi deildarinnar, er nú með 30 stig í efsta sæti, Selfoss er í öðru sæti með 22 og Haukar, sem unnu Stjörnuna í kvöld, skutust upp í þriðja sætið með 21 stig. Nú er keppni í 1. deild hálfnuð og náði ÍBV í 30 stig af 33 mögulegum í fyrri ellefu umferðunum.