Hádegisfyrirlestri Róberts Guðfinnssonar athafnamanns sem frestað var í september sl. verður nú haldinn í Sagnheimum, byggðasafni á morgun, 7. apríl nk. frá 12-13. Í fyrirlestrinum mun Róbert fjalla um uppbygginguna á Siglufirði og aðkomu sína að henni. Frá hruni norsk-íslenska síldarstofnsins árið 1967 hafði íbúum á Siglufirði fækkað. Tæknivæðing í sjávarútvegi og einhæft atvinnulíf leiddi af sér fækkun starfa og fá tækifæri voru fyrir ungt menntað fólk. Með nýsköpun í líftækni og fjárfestingu í ferðaiðnaði myndaðist nýr grunnur fyrir samfélagið. Breidd í atvinnulífinu með nýjum störfum gefur nýrri kynslóð tækifæri til að snúa vörn í sókn.

Fyrirlesturinn er samstarfsverkefni Sagnheima og Rótarýklúbbs Vestmannaeyja en klúbburinn fagnaði 60 ára afmæli sínu á síðasta ári.