- Eyjafréttir
- ·
- Fréttir
- ·
Íbúakönnun um aukið aðgengi að Löngu - 61% sagði nei
Alls greiddu 628 atkvæði. Af þeim sögðu 386 (61%) að þeir vildu ekki auka aðgengi að Löngu og 242 (39%) að þeir vildu auka aðgengið. Nokkur meirihluti var því mótfallinn að aðgengi að Löngu yrði á nokkurn hátt aukið. Af þeim sem 242 sem vildu auka aðgengið undir Löngu sögðu 77,7% að þeir teldu það best gert með brú, 18,6% taldi göng best og 3,7% taldi aðrar leiðir betri.
Íbúakannanir sem þessar eru að sjálfsögðu leiðbeinandi en ekki verður hjá því litið að niðurstaða sem þessi er veganesti fyrir skipulagsyfirvöld við afgreiðslu á þeim umsóknum sem fyrir liggja vegna þessa.
Vestmannaeyjabær þakkar þeim sem tóku þátt í atkvæðagreiðslunni.
