Í byrjun árs, 7. janúar 2018, minntist Félag eldri borgara í Vestmannaeyjum þess, að liðin voru 30 ár frá stofnun félagsins. Fyrsti formaður þess var Kristjana �?orfinnsdóttir og var hún mætt í afmælishófið. Keik og flott flutti hún stutta ræðu og minntist upphafsáranna í félaginu. �?á sögu alla þarf einhverntíma að segja enda ýmislegt á daga félagsins drifið.

Lengi vel hafði félagið aðstöðu í gamla pökkunarsal Ísfélagsins, sem Sigurður heitinn Einarsson afhenti félaginu til afnota.

Rétt fyrir áramótin 2016-2017 flutti félagið svo í nýja aðstöðu í Félagsheimilinu við Heiðarveg, sem nú heitir Kvika, – aðstaða Eldri borgarafélagsins á 3ju hæð fékk nafnið Vinaminni, eins og aðstaðan í Ísfélaginu hét. �?að var Vestmannaeyjabær sem innréttaði alla efstu hæð hússins og afhenti félaginu til frjálsra afnota. Við þennan flutning í Kviku varð gjörbreyting á starfsemi félagsins.

Afmælishófið var í Kviku og þangað kom Elliði Vignisson, bæjarstjóri færandi hendi, tilkynnti hann að Vestmannaeyjabær ætlaði að færa félaginu að gjöf í tilefni afmælisins, hátíðarfána á fæti, sem yrði afhentur á �?orrablóti félagsins síðar í mánuðinum. Hjónin Jón Sighvatsson og Ásta Halldórsdóttir færðu félaginu hljóðkerfi í afmælisgjöf. – �?á tilkynnti Bára Jóney Guðmundsdóttir, að slysavarnafélagið Eykyndill ætlaði að færa félaginu andvirði hjartastuðtækis, sem staðsett yrði í félagsaðstöðunni.

Aðalfundur félagsins var haldinn í félagsheimilinu Kviku 19. janúar sl. Á fundinum var kosin ný stjórn. Hana skipa: �?ór Ísfeld Vilhjálmsson, formaður, Einar Steingrímsson, varaformaður, Gísli Valtýsson gjaldkeri, Bára Jóney Guðmundsdóttir, ritari, Friðrikka Gústafsdóttir, meðstjórnandi, Eygló Ingólfsdóttir, vararitari og Guðmunda Hjörleifsdóttir, varagjaldkeri.

Árlegt þorrablót Félags eldri borgara var svo haldið í Alþýðuhúsinu 27. janúar. Að venju var margt um manninn, skemmtiatriði í heimsklassa og dansað fram á næsta dag, eða næstum því.

Félagsstarf eldri borgara er líflegt. Hálfsmánaðarlega eru haldnar spilavistir í Kviku, sönghópar, bæði karla og kvenna æfa vikulega í húsnæðinu undir stjórn �?lafs M. Aðalsteinssonar. Haustfagnaður í upphafi vetrar og vorfagnaður í vetrarlok marka upphaf og endi hvers starfsárs.

Hvert sumar og hvert haust er farið í ferðalag, ýmist innanlands eða utanlands. Alla virka daga hittist hópur félagsfólks í Kviku og spilar mini golf, eða pútt.

�?á er félagsfólki boðið uppá vikulega leikfimi og sundleikfimi í Íþróttahúsinu undir stjórn íþróttakennara.

Flesta mánudaga yfir vetrartímann eru ýmsar uppákomur í Kviku á vegum Vestmannaeyjabæjar, þar sem dægurmálin eru á dagskrá, fyrirlestrar, fróðleikur, gaman og á miðvikudögum er opinn föndurtími með leiðsögn.

Af þessari upptalningu, sem engan veginn er þó tæmandi, má sjá að félagsstarf eldri borgara í Eyjum er blómlegt og öllum eldri borgurum opið til þátttöku.

�?að kallar á breytt lífsmynstur að hætta á vinnumarkaði eftir áratuga starf. Sumum finnst eins og það séu alltaf sunnudagar. En lífið heldur auðvitað áfram en á breyttum forsendum. Hjá mörgum verða barnabörnin stærri hluti af tilverunni eftir starfslok. Ýmsar tómstundir sem áður var ekki tími til að sinna fá aukið vægi. – Sumir eru vel undir starfslokin búnir, aðrir ekki eins og gengur. �?etta er því ekki einsleitur hópur, heldur ótrúlega litríkur, flottur, og orkumikill og margir enn í fullu fjöri og tilbúnir í ný verkefni. Eða eins og einhver sagði: �?að ekki amalegt að vera eldri borgari, nú getur maður djammað yfir hábjartan daginn.

Fólk leggst ekki sjálfkrafa í kör við það að mæta ekki lengur til vinnu að morgni; síður en svo. �?á er einmitt tíminn til að lifa og njóta, og gott að hafa fastan lið í tilverunni eins og Félag eldri borgara er, þar sem maður er manns gaman og fjölbreytt starfsemi í boði. �?að hefur verið raunin hér í Eyjum, því talsverður hópur �??yngra�?? fólks hefur gengið í félagið að undanförnu og látið að sér kveða.