Starfsemi sjúkraþjálfara er fjölbreytt en sjúkraþjálfarar veita þjónustu sem miðar að því að bæta, viðhalda og endurhæfa hreyfigetu og virkni fólks. Sjúkraþjálfarar stuðla að auknum lífsgæðum með því að huga að líkamlegri, huglægri, tilfinningalegri og félagslegri vellíðan. �?eir starfa innan heilbrigðisgeirans við heilsueflingu, forvarnir, meðferð, þjálfun, hæfingu og endurhæfingu. �?ekking sjúkraþjálfara á mannslíkamanum og hreyfifærni hans er lykilatriði til greiningar og ákvörðunar varðandi meðferð og þjálfun skjólstæðinga.

Í Vestmannaeyjum veita sjúkraþjálfarar fjölbreytta þjónustu m.a. í formi þjálfunar á borð við vatnsleikfimi sem er miðað að einstaklingum með stoðkerfisvanda, gigtarleikfimi og lungna- og hjartaleikfimi. Við heilsugæsluna starfar sjúkraþjálfari sem hreyfistjóri en læknir getur ávísað hreyfiseðli til sjúklinga sinna sem eru að kljást við sjúkdóma þar sem vísindalega hefur verið sannað að hreyfing hefur jákvæð áhrif, á borð við háþrýsting, þunglyndi, efnaskiptasjúkdóma, sykursýki ofl. �?eir einstaklingar fá þá tíma hjá hreyfistjóra sem aðstoðar sjúklinginn við að gera hreyfinguna hluta að lífstíl sínum. Sjúkraþjálfarar flytja gjarnan fræðslufyrirlestra á borð við vinnuvistfræðiráðgjöf til vinnustaða, fræðslu um líkamsvitund og líkamsbeitingu, fræðslu um forvarnir íþróttameiðsla ofl.

Verkir eru ekki eðlilegt ástand og getur fræðsla og meðferð sjúkraþjálfara auðveldað einstaklingum að koma í veg fyrir verkjaástand eða halda verkjum niðri og lágmarka áhrif þeirra á lífsgæði og athafnagetu. �?að er í raun ótrúlegt að hugsa til þess að inni á hverju einasta heimili erum við með hin ýmsu útskiptanlegu raftæki sem fylgja gjarnan þykkir bæklingar með notkunarleiðbeiningum, hvernig við getum lengt líftíma tækjanna með réttri notkun og ef eitthvað bilar hvað við eigum til bragðs að taka. En með einu stærsta verkfræðiundri heimsins, mannslíkamanum, fylgja því miður engar notkunarleiðbeiningar. Líkaminn þarf að endast okkur ævina á enda og til að tryggja hámarksnýtingu hans og lágmarka slit á beinum og liðum þarf að fara vel með hann. �?ar skiptir þekking á réttri líkamsstöðu, líkamsvitund og góðri líkamsbeitingu miklu máli. Stoðkerfisverkir, m.a. vegna bakvandamála og slitgigtar, eru einnig stór þáttur veikindafjarvista starfsfólks og sjúkrakostnaðar en með öflugum forvörnum er hægt að lágmarka þann kostnað og þá skerðingu lífsgæða sem stoðkerfisverkir hafa í för með sér.

Hildur Sólveig Sigurðardóttir

Sjúkraþjálfari og vinnuvistfræðiráðgjafi

Grein birtist í heilsublaði Eyjafrétta sem hægt er að lesa hérna.