Fátt hefur verið meira rætt í Vestmannaeyjum seinustu vikur en hvaða nafn ný Vestmannaeyjaferja á að bera. Sagt hefur verið frá því að byrjað sé að nota nafnið Vilborg á nýsmíðina en sitt sýnist hverjum. �?annig sagði Elliði Vignisson bæjarstjóri í viðtali við kvöldfréttir Stöðvar 2 að eðlilegt væri að heimamenn hefðu aðkomu að ákvörðun um nafnið á ferjuna sem verður jú lífæð samfélagsins hér í Eyjum. (Sjá hér: https://www.facebook.com/ellidi/videos/10156082945594181/).

Samkvæmt heimildum Eyjafrétta er nú í undirbúningi að halda íbúafund um samgöngur á sjó í næstu viku þar sem kynnt verður staða mála hvað varðar samgöngur á sjó. Eftir því sem Eyjafréttir komast næst er einnig í skoðun að nota fundinn til að kjósa um nafn á ferjuna. �?að kann því að fara svo að heimamenn sjálfir fái að hafa áhrif á nafngiftina og verður þá fróðlegt að sjá hvort niðurstaðan verður karlmannsnafnið Herjólfur eftir landnámsmanninum Herjólfi Báðrðarsyni sem notað hefur verið síðan 1959 eða Vilborg eftir dóttur hans sem þótti góðhjörtuð og gjörfuleg.