- Eyjafréttir
- ·
- Fréttir
- ·
Eyjamenn komnir yfir í úrslitaeinvíginu
ÍBV tók á móti FH í dag í fyrsta leik liðanna í úrslitaeinvígi Íslandsmótsins. Eyjamenn sigruðu leikinn með sex marka mun og er því komnir 1:0 yfir í einvíginu en þrjá sigra þarf til að tryggja Íslandsmeistaratitilinn.
Leikurinn var allan tímann jafn og voru það gestirnir frá Hafnafirði sem leiddu með einu marki í hálfleik, staðan 11:12.
Liðsmenn ÍBV mættu öflugir til leiks í síðari hálfleiknum og voru búnir að taka forystuna áður en langt var um liðið. FH-ingarnir voru þá aldrei langt undan og var það ekki fyrr en undir lok leiks sem það fór meira að skilja milli liðanna.
Róbert Aron Hostert var markahæstur í liði ÍBV með sjö mörk. Aron Rafn Eðvarðsson átti góðan dag í markinu og varði 20 skot, tvöfalt fleiri en Ágúst Elí Björgvinsson í marki FH.
Annar leikur liðanna í einvíginu fer fram í Kaplakrika á þriðjudaginn kl. 19:30.
Myndir – �?skar Pétur Friðriksson
Nýjustu fréttir
Mest lesið
