Ljósleiðarinn og Tölvun í samstarf um fjarskiptaþjónustu á ljósleiðarakerfi Eyglóar

Eyjafréttir
·
Almennt
·
8. júlí 2024

Ljósleiðarinn og Tölvun ehf. hafa hafið samstarf með það að markmiði að bjóða fjarskiptaþjónustu til heimila og fyrirtækja á kerfi Eyglóar í Vestmannaeyjum. Framkvæmdastjóri Ljósleiðarans segir fátt mikilvægara en samkeppnina þegar kemur að ljósleiðaramálum. Eigandi Tölvunar segir Ljósleiðarann sterkan bakhjarl sem gæti tryggt Vestmannaeyingum gott og hnökralaust samband.

Fyrir 25 árum setti forveri Ljósleiðarans fyrsta ljósleiðaraþráðinn í jörðu en þá hafði fyrirtækið Tölvun ehf. verið starfandi í 6 ár og er því elsta starfandi upplýsingatæknifyrirtækið í Eyjum.

„Við erum hýsingaraðilar, internetþjónusta, tölvuverkstæði, umboðsaðilar Vodafone og síðan endursöluaðilar fyrir fjölmörg vörumerki. En fyrst og fremst erum við miklir ljósleiðaramenn,“ segir Davíð Guðmundsson eigandi Tölvunar ehf.

Tölvun hefur lagt um 10 km af ljósleiðara sem er aðallega á athafnasvæði hafnarinnar og eru í dag með um 30 tengingar í fyrirtæki og stofnanir í Eyjum. „Við byrjuðum að leggja þetta 1998.“

En til þess að gera langa sögu stutta fór Vestmannaeyjabær í útboð vegna heimilistenginga í eyjum á fjarskiptamarkaði sem endaði með því að bærinn sjálfur byggði upp kerfi sem ber heitið Eygló. Grunnupplegg ljósleiðaralagna Eyglóar er stjörnutengt net, einn þráður á hvert heimili frá ljósmiðju, svipað því sem Ljósleiðarinn leggur áherslu á.

„Það er því þannig að bærinn lagði engan búnað heldur bara ljósið í jörðina. Það er síðan félaganna að tengjast því neti,“ segir Davíð.

Davíð fagnar því samstarfinu við Ljósleiðarann sem hann segir sterkan bakhjarl sem komi inn með gríðarlega þekkingu en einnig öflugan búnað.

„Það er gott fyrir okkur Eyjamenn og í raun löngu tímabært að við förum að bjóða okkar fólki upp á þann hraða sem aðrir á þessu landi búa við.“

Einar Þórarinsson framkvæmdastjóri Ljósleiðarans segir fyrirtækið gera sér grein fyrir því að vöruframboð og gæði þjónustu á landsbyggðinni sé ábótavant og því hafi Ljósleiðarinn verið að bæta úr víða.

„Við viljum gera öllum fjarskiptafélögunum kleift að selja sínar áskriftir inn á ljósleiðaranet sem sveitarfélög hafa verið að byggja upp með öflugum hætti á undanförnum árum. Við hlökkum því til samstarfsins og að geta boðið Eyjamönnum upp á alvöru samkeppni þegar kemur að ljósleiðaratengingum.“

Nýjustu fréttir

Úr blaði Eyjafrétta

Við þurfum að hætta þessum bútasaumi

Íþróttir

Úr fótbolta yfir í hlaup

Úr blaði Eyjafrétta

Aníta Sif er Eyjamaður mánaðarins

Stjórnmál

Samfélag fyrir fjölskyldur

Íþróttir

ÍBV tapaði gegn Haukum – Oddaleikur framundan

Íþróttir

Kvennalið ÍBV byrjar Bestu deildina á sigri

Viðburður

Allir út að plokka á Heimaey á morgun

Stjórnmál

Spurt og svarað: Guðbjörg Sól frá Sjálfstæðisflokknum

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki