Það gleður okkur að tilkynna að hin ótrúlega hæfileikaríka matreiðslukona Renata Zalles mun ganga til liðs við okkur í ár á Matey á veitingastaðnum Einsa kalda! Renata sem kemur upprunalega frá Bólivíu er með alþjóðlega reynslu og er hugsjónamaðurinn á bak við veitingastaðinn STUFFED í Kaupmannahöfn sem opnar í október á þessu ári. Þetta kemur fram í tilkynningu frá skipuleggjendum hátíðarinnar.
Reynsla Renötu er bæði fjölbreytt og áhugaverð en hún hefur starfað með matreiðslugoðsögnum eins og Wolfgang Puck, José Andrés, Gaggan Anand, Garima Arora og Kamillu Seidler. Starf hennar á virtum veitingastöðum eins og Gustu (sem er í hópi 50 bestu veitingastaða í Suður-Ameríku), Gaa (2 Michelin stjörnu veitingastaðar) og Lola (sem Michelin hefur mælt með í 4 ár í röð) segir sitt um elju hennar og færni.
Á Matey – sjávarréttahátíðinni mun Renata koma með sína einstöku blöndu af alþjóðlegum brögðum og búa til rétti sem bera virðingu fyrir menningunni sem hún er svo ástríðufullur fulltrúi.
Ef þú ert tilbúin í magnaða matarupplifun með fjölbreyttum brögðum, persónuleika og dass af hinu óvænta, þá er Einsi kaldi staðurinn til að vera á 5.-7. september.
Ekki missa af tækifærinu til að njóta sköpunar Renötu í hrífandi umhverfi Vestmannaeyja. Fylgist með og verið tilbúin fyrir einstakt matarferðalag!
Meira um Matey: Sameinar hefðir Mexíkó og nýsköpunar – Eyjafréttir (eyjafrettir.is)
