Ótrúlega fjölbreyttur afli

Eyjafréttir
·
Sjávarútvegur
·
26. febrúar 2025

Systurskipin Vestmannaey VE og Bergur VE, hafa að undanförnu lagt áherslu á að veiða annað en þorsk. Bergur landaði fullfermi í Eyjum sl. mánudag og Vestmannaey einnig fullfermi í gær.

Rætt er við skipstjórana á vefsíðu Síldarvinnslunnar. Jón Valgeirsson á Bergi var ánægður með túrinn. „Aflinn hjá okkur var mest ufsi og karfi. Við vorum að veiðum í Reynisdýpinu út af Hjörleifshöfðanum og þarna var bara ágætis nudd. Við vorum að veiðum í tvo og hálfan sólarhring þannig að við höfum engin efni á að kvarta neitt. Veðrið var allt í lagi mest allan tímann en það var austan bræla í hálfan sólarhring. Haldið verður til veiða strax að löndun lokinni og þá kíkjum við líklega á Pétursey og Vík,” sagði Jón.

Birgir Þór Sverrisson, skipstjóri á Vestmannaey, sagði að túrinn hjá þeim hefði verið í lengri kantinum. „Við vorum að veiðum í fimm og hálfan sólarhring og það var víða farið. Við byrjuðum á Broadway vestan við Eyjar en þar var ekkert, síðan var grunnslóðin keyrð, tekin tvö hol á Síðugrunni og síðan prófað á Höfðanum. Þar var lítið að hafa. Síðan var farið í Breiðamerkurdýpið og þar var einnig lítið. Haldið var í Sláturhúsið og á Skerbleyðuna og þar var þetta áfram smásarg. Leiðin lá aftur á Höfðann og þar gátum við fyllt. Staðreyndin er sú að fiskur er ekki genginn á hefðbundnar vertíðarslóðir og það er til dæmis afar lítið að hafa við Eyjar. Það virðist vera ætisleysi á miðunum. Við sáum enga loðnu í túrnum nema austast. Aflinn hjá okkur í túrnum var ótrúlega fjölbreyttur. Við erum nánast með alla fiskabókina í lestinni, ég held að tegundirnar séu 18 talsins. Það verður farið út strax að löndun lokinni. Það þýðir ekkert annað en að halda sér við efnið. Nú er Vestmannaey að fara í níunda túr ársins en í fyrra fórum við níu túra bara í febrúar. Það er lengra að sækja en í fyrra og veður hefur verið óhagstæðara. Það gengur á ýmsu í þessu,” sagði Birgir Þór.

Nýjustu fréttir

Íþróttir

ÍBV tapaði gegn Haukum – Oddaleikur framundan

Íþróttir

Kvennalið ÍBV byrjar Bestu deildina á sigri

Viðburður

Allir út að plokka á Heimaey á morgun

Stjórnmál

Spurt og svarað: Guðbjörg Sól frá Sjálfstæðisflokknum

Vinnslustöðin

VSV á stórsýningu í Barcelona: „Mikilvægt að vera sýnileg“

Landakirkja

Vorhátíð Landakirkju

Aðsend grein

Byggjum þetta bara

Íþróttir

ÍBV getur tryggt sæti í úrslitum með sigri í dag

Mest lesið

viðburðir

26. apríl 2026

11:00

Stóri plokkdagurinn

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki