Drög að sex mánaða uppgjöri Vestmannaeyjabæjar voru lögð fyrir bæjarráð í liðinni viku. Um er að ræða samstæðu A og B. Samkvæmt yfirlitinu eru heildartekjur samstæðunnar fyrstu sex mánuði ársins um 5,6% hærri en fjárhagsáætlun gerir ráð fyrir og heildarrekstrarkostnaður um 4,2% hærri en áætlunin. Rekstrarafkoma fyrstu sex mánuði ársins er betri en áætlanir gerðu ráð fyrir.

A-hluti: Lögð voru fyrir bæjarráð drög að sex mánaða rekstraryfirliti fyrir sveitarsjóð. Samkvæmt yfirlitinu eru heildartekjur samstæðunnar fyrstu sex mánuði ársins á pari við áætlun og heildarrekstrarkostnaður um 2,7% hærri en áætluninni.

Rekstrarafkoma fyrstu sex mánuði ársins er því lakari en áætlun gerir ráð fyrir. Í áætluninni var hvorki áætlað fyrir veikindalaunum né kjarasamningshækkunum vegna samninga sem gerðir voru við KÍ félögin.

Í niðurstöðu segir: Bæjarráð þakkar upplýsingarnar og ítrekar nauðsyn þess að halda áfram vel utan um reksturinn. Enda miklar áskoranir í rekstri sveitarfélaga.