Getraunastarfsemi hefur verið afar öflug í Vestmannaeyjum undanfarna áratugi og má segja að Eyjamenn hafi verið öflugir í tippinu alla tíð.

Getraunastarfsemin skiptist á milli ÍBV annars vegar og KFS hins vegar og hafa þeir síðarnefndu staðið sig mjög vel og eru meðal söluhæstu félaga landsins. Þau fengu meðal annars 13 rétta á Enska getraunaseðilinn síðastliðinn laugardag sem skilaði þeim rúmum 1.2 milljónum króna í vinning.

Liðsmenn KFS unnu líka allar deildir Íslandsmótsins í getraunum og eru því  íslandsmeistarar fyrir árið  2025 í 1., 2. og 3. deild. Hefur ekkert annað félag leikið það eftir þeim, segir í tilkynningu frá Íslenskri Getspá.