Ykkar er valið
Kjartan Vídó Ólafsson. Ljósmynd/aðsend.

Aðsend grein

Kjartan Vídó

Prófkjör er mikilvæg og lýðræðisleg leið þar sem flokksbundnum Sjálfstæðismönnum gefst tækifæri til að velja þá einstaklinga sem þeir treysta best til að vera fulltrúar flokksins í komandi kosningum. Það er ekki sjálfgefið að þessi leið sé farin, en í Vestmannaeyjum hefur Sjálfstæðisflokkurinn verið sá eini sem gefur bæjarbúum raunverulegt tækifæri til að hafa áhrif á val frambjóðenda.

Ég ákvað að taka þátt í prófkjörinu vegna þess að ég brenn fyrir því að leggja mitt af mörkum til að gera Vestmannaeyjar enn betra samfélag til framtíðar. Eyjarnar eru einstakur staður sem byggir á dugnaði, frumkvæði og sterkri samstöðu.

Undanfarin ár hef ég fylgst náið með málefnum bæjarins úr fjarlægð, en nú er um eitt ár síðan ég flutti aftur heim til Eyja. Það hefur styrkt enn frekar vilja minn til að taka þátt og leggja mitt af mörkum til uppbyggingar samfélagsins. Ég tel mikilvægt að tryggja áfram öfluga atvinnuuppbyggingu í Vestmannaeyjum, skapa góð skilyrði fyrir fjölskyldur með sterkum leik- og grunnskólum og halda áfram að byggja upp innviði sem styðja við vöxt og lífsgæði í bæjarfélaginu.

Ef við viljum fjölga íbúum og laða ungt fólk heim að námi loknu verðum við að tryggja raunveruleg atvinnutækifæri. Fólk velur sér búsetu þar sem bæði eru spennandi störf og gott samfélag. Vestmannaeyjar hafa marga styrkleika, öflugt samfélag, stuttar vegalengdir, gott skólastarf og sterka sjálfsmynd en án starfa nýtast þeir ekki til fulls

Ég býð fram krafta mína, hugmyndir og vilja til að vinna með öðrum að framgangi mála sem skipta Vestmannaeyjar máli. Ég vona að ég fái stuðning ykkar í prófkjörinu og hlakka til að taka þátt í þeirri mikilvægu vinnu sem framundan er fyrir sveitarfélagið okkar.

Kjartan Vídó
Frambjóðandi í 3. – 4. sæti

Nýjustu fréttir

Skólamál
Bríet Björk, Caritas Rós og Kolbrá bestar
Aðsend grein
Ykkar er valið
Menntamál
Niðurstöður prófa – Vestmannaeyjar í einstakri stöðu
Fortíðarflakk
Að alast upp í Vestmannaeyjum 
Íþróttir
Halldór Jón aftur í ÍBV
Myndband
Fluttu hús í heilu lagi
Sjávarútvegur
Sjáv­ar­af­urð­ir: Ágæt­is aukn­ing í fe­brú­ar
Sjávarútvegur
Eyjarnar landa í Þorlákshöfn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.