Uppfært: kl. 01.50

Lokatölur liggja nú fyrir í prófkjöri Sjálfstæðisflokksins í Vestmannaeyjum þar sem raðað var á framboðslista flokksins fyrir komandi kosningar. Samkvæmt niðurstöðunum hafnaði Eyþór Harðarson í efsta sæti listans.

Á kjörskrá voru 1.672 og greiddu 1.178 atkvæði sem jafngildir 70,5% kjörsókn. Af þeim voru 36 atkvæði auð eða ógild.

Endanleg niðurstaða í efstu sætum prófkjörsins er eftirfarandi:

• Eyþór Harðarson varð efstur. Hlaut 715 atkvæði í 1. sætið eða 62,6%.
• Í öðru sæti er Trausti Hjaltason með 441 atkvæði í 1. – 2. sæti eða 38,6%.
• Í þriðja sæti er Aníta Jóhannsdóttir með 488 atkvæði í 1. – 3. sæti eða 42,7%.
• Í fjórða sæti er Óskar Jósúason með 504 atkvæði í 1. – 4. sæti eða 44,1%.
• Í fimmta sæti er Hildur Sólveig Sigurðardóttir með 549 atkvæði í 1. – 5. sæti eða 48,1%.
• Í sjötta sæti er Kjartan Vídó Ólafsson með 584 atkvæði í 1. – 6. sæti eða 51,1%.
• Í sjöunda til áttunda sæti eru jafnar Margrét Rós Ingólfsdóttir og Rannveig Ísfjörð með 538 atkvæði í 1. – 7. sæti eða 47,1%.

Alls gáfu fjórtán einstaklingar kost á sér í prófkjörinu þar sem kosið var um átta efstu sæti listans. Óskar Pétur Friðriksson, ljósmyndari Eyjafrétta leit við á kosningavökunni í Akóges í kvöld og má sjá myndir frá honum hér að neðan.