Í vikunni hefur verið unnið að svokölluðum I/O prófunum á búnaði við sundlaugina og hefur tekist að taka í notkun nær allan búnað kerfisins.

Samkvæmt upplýsingum frá Vestmannaeyjabæ kom hins vegar í ljós þegar hugbúnaðarsérfræðingur kom á verkstað að bæði mótorloki fyrir hitun og lokamótor voru rangir. Nú er beðið eftir réttum búnaði svo hægt sé að ljúka prófunum.

Áætlað er að prófanir á virkni búnaðar klárist í lok næstu viku, að því er fram kemur í upplýsingum á vef Vestmannaeyjabæjar. Á næstu dögum verður meðal annars unnið við prófanir á niðurfallsbrunni, hringrásardælum og sandsíum, auk þess sem sundlaugin verður sett í áfyllingu. Þegar laugin hefur fyllst verða prófuð flæðiskynjarar, klór- og CO₂-kerfi og hitunarreglun kerfisins.