Eyjamaðurinn Elmar Erlingsson átti frábæran leik í þýsku B-deildinni í gærkvöld þegar heil umferð fór fram.

Elmar og félagar hans í Nordhorn-Lingen sóttu 2000 Coburg heim en þurftu að sætta sig við fjögurra marka tap. Nordhorn var undir í hálfleik með einu marki og voru lokatölur leiksins 36-32 Coburg í vil.

Elmar var markahæstur í liði Nordhorn. Hann skoraði átta mörk úr átta skotum og gaf að auki sjö stoðsendingar. 

Eftir leikinn er Nordhorn-Lingen í sjötta sæti deildarinnar með 34 stig á meðan 2000 Coburg er í áttunda sæti með 30 stig. Sex umferðir eru eftir af þýsku B-deildinni.