Halldór B. Halldórsson fer í vettvangsferð í nýju myndbandi á Eyjafréttum. Hann heimsækir m.a. áhöfnina á sanddæluskipinu Álfsnesi, skoðar aðstæður við kjarnaboranir og rannsóknir á berglögum á Eiðinu og tekur að lokum stöðuna á höfninni og þeim framkvæmdum sem þar standa yfir.

Sjónum er fyrst beint að vinnunni í og við Landeyjahöfn, þar sem áhöfn Álfsness vinnur við krefjandi aðstæður. Það er auðvelt að gleyma því í daglegri umræðu hversu flókið verkefnið er og hversu mikið reynir á fólkið sem stendur vaktina við að halda höfninni opinni.

Á bak við verkin eru einstaklingar sem leggja sig fram af fagmennsku og vilja gera sitt allra besta fyrir samfélagið. Umræðan getur stundum orðið hörð, en mikilvægt er að muna að þar eru að störfum manneskjur sem bera ábyrgð við erfiðar aðstæður og eiga skilið sanngjarna umfjöllun.