Markvörður ÍBV, Guðný Geirsdóttir, hefur framlengt samningi sínum við félagið um tvö ár og mun standa í markinu hjá ÍBV út tímabilið 2027. ÍBV greindi frá á samfélagsmiðlum sínum.

Í tilkynningunni segir ,,Guðný hóf feril sinn hjá ÍBV aðeins fjögurra ára gömul. Hún lék sinn fyrsta leik fyrir ÍBV árið 2016 í efstu deild. Hennar tími kom árið 2018 þegar hún festi sig í sessi sem aðalmarkvörður liðsins. Eftir farsælan lánssamning til Selfoss fyrri hluta árs 2021, þar sem hún öðlaðist mikla reynslu, snéri hún aftur til ÍBV í júlí 2021 til að styrkja stöðu sína sem áreiðanlegur og stöðugur leikmaður. 

Guðný er 29 ára gömul og hefur verið lykilmaður í ÍBV í nokkur ár. Hún spilaði samtals 27 leiki á síðasta tímabili, þar sem liðið vann flesta sína leiki og tryggði sér sæti í Bestu deildinni. Hún var valin leikmaður ársins hjá félaginu árið 2023.