Leikhöllin í samstarfi við Vestmannaeyjabæ stendur fyrir fjölskylduafþreyingu í íþróttahúsinu á morgun, fimmtudaginn 14. maí frá klukkan 10:00 til 14:00 í Sal 1.

Viðburðurinn er opinn öllum og frítt er inn. Markmiðið er að bjóða fjölskyldum að koma saman, hreyfa sig, eiga góða stund og njóta dagsins í skemmtilegri stemningu.

Í boði verða boltaleikir, þrautabraut og hoppukastali fyrir börnin auk þess sem Doctor Victor mætir og spilar ljúfa tóna. Þá verður Eydís Ísbúð með léttar veitingar til sölu og einnig verður smakk í boði fyrir gesti.

Þetta er í annað sinn sem fjölskyldudagur sem þessi er haldinn en síðasti viðburður heppnaðist einstaklega vel og var mæting góð.

Frítt er inn og allir eru velkomnir.