Herjólfur ohf. hefur gefið út nýja tilkynningu um siglingar dagsins þar sem fram kemur að aðeins verði farin ein ferð til Þorlákshafnar fyrri hluta dags. Aðstæður í og við Landeyjahöfn hafa farið versnandi og hefur það áhrif á siglingaráætlun Herjólfs.

Brottför frá Vestmannaeyjum verður klukkan 07:00 og frá Þorlákshöfn klukkan 11:00.

Í tilkynningunni eru farþegar sem hyggjast nýta gistirými um borð minntir á að koma með eigin búnað. Þá kemur fram að tilkynning um siglingar seinnipart dags verði gefin út fyrir klukkan 15:00.

Að lokum eru þeir farþegar sem eiga farartæki í Landeyjahöfn beðnir um að gefa sig fram við afgreiðslu Herjólfs.