Sandra Erlingsdóttir, leikmaður ÍBV í handbolta, var valin besti sóknarmaður Olís deildar kvenna á uppskeruhátíð Olís- og Grill 66 deilda HSÍ í dag. Þá hlaut hún einnig Sigríðarbikarinnar. Það var Handkastið sem greindi frá þessu. 

Sandra var algjör lykilmaður í sterku liði ÍBV á nýliðnu tímabili þar sem þær léku til úrslita um Íslandsmeistaratitilinn og enduðu í öðru sæti í deildinni. 

Lovísa Thompson úr Val og Arnór Snær Óskarsson einnig úr Val voru valin leikmenn tímabilsins í Olís deildum karla og kvenna. Bæði léku þau stór hlutverk í sínum liðum en Valskonur unnu alla titla sem í boði voru og karlaliðið varð Íslands- og deildarmeistarar.

Hér að neðan má sjá alla verðlaunahafana úr Olís deildum karla og kvenna.

Olís-deild karla:

Leikmaður tímabilsins: Arnór Snær Óskarsson – Valur

Sóknamaður tímabilsins: Arnór Snær Óskarsson – Valur

Varnarmaður tímabilsins: Ingvar Dagur Gunnarsson – FH

Markmaður tímabilsins: Jón Þórarinn Þorsteinsson – FH

Efnilegastur: Ómar Darri Sigurgeirsson – FH

Þjálfari tímabilsins: Ágúst Þór Jóhannsson – Valur

Valdimarsbikarinn: Arnór Snær Óskarsson – Valur

Olís-deild kvenna:

Leikmaður tímabilsins: Lovísa Thompson – Valur

Sóknarmaður tímabilsins: Sandra Erlingsdóttir – ÍBV

Varnarmaður tímabilsins: Lovísa Thompson – Valur

Markmaður tímabilsins: Hafdís Renötudóttir – Valur

Efnilegust: Arna Karítas Eiríksdóttir – Valur

Þjálfari tímabilsins: Anton Rúnarsson – Valur

Sigríðarbikarinn: Sandra Erlingsdóttir – ÍBV