Hafsbotnsmælingar vegna fyrirhugaðra Eyjaganga hefjast í þessari viku þegar sjómælingaskipið Baldur kemur til Vestmannaeyja. Mælingarnar eru mikilvægur liður í áframhaldandi rannsóknum á mögulegri vegtengingu milli lands og Eyja.

Í meðfylgjandi myndbandsviðtali ræðir Halldór B. Halldórsson við Harald Pálsson, framkvæmdastjóra Eyjaganga, um rannsóknirnar og tilgang þeirra. Haraldur útskýrir hvernig hljóðendurvarpsmælingar fara fram, hvaða upplýsingum þær eiga að skila og hvernig þær nýtast við áframhaldandi fýsileikamat verkefnisins.

Sjómælingaskipið Baldur, sem er í eigu Landhelgisgæslu Íslands, mun sinna mælingunum í samstarfi við Íslenskar orkurannsóknir (ÍSOR) og erlenda sérfræðinga á næstu tveimur vikum.