Fyrsta Aglow-samvera haustsins verður í Safnaðarheimili Landakirkju í kvöld, miðvikudaginn 2. september, kl. 19.30.

Guðrún Erlingsdóttir verður gestur kvöldsins, en hún bjó um árabil í Vestmannaeyjum og starfaði með Aglow. Guðrún leikur á gítar og samdi mörg lög og texta á þeim tíma. Eftir að hún flutti frá Eyjum hélt hún áfram að sækja Aglow-samverur og voru flest laganna frumflutt á samverum Aglow á höfuðborgarsvæðinu.

Lög og textar Guðrúnar komu út í sumar, bæði á plötu og geisladiski. Hún hélt tónleika í Vestmannaeyjum um goslokahelgina en þar sem margar Aglow-konur komust ekki á tónleikana þótti tilvalið að fá hana sem gest á fyrsta fundi haustsins.

Guðrún mun flytja hugvekju, syngja og leika nokkur lög. Hún verður einnig með plötur og geisladiska til sölu.

Aglow í Eyjum í 36 ár

Fyrsti Aglow-fundurinn í Vestmannaeyjum var haldinn 2. september 1990 og fagnar starfið því 36 ára afmæli í dag. Allar konur eru velkomnar á samveruna.

Aglow þýðir „glóandi“ eða „brennandi“ og vísar til orða í Rómverjabréfinu 12:11:  „Verið ekki hálfvolg í áhuganum, verið brennandi í andanum. Þjónið Drottni.“

Aglow-helgi verður einnig haldin í Skálholtsbúðum í október. Þar gefst konum víða að af landinu tækifæri til að hittast, njóta fræðslu og eiga samfélag saman. Nánari upplýsingar verða auglýstar þegar nær dregur.

Aglow-fundir veturinn 2026–2027

Fundirnir verða haldnir 2. september, 7. október, 4. nóvember og 2. desember, þegar jólafundurinn fer fram. Á nýju ári verða fundir 6. janúar, 3. febrúar, 3. mars, 7. apríl og 5. maí.