Karlalið ÍBV í fótbolta sækir Stjörnuna heim í Garðabæ í dag, sunnudag, í fyrsta leik liðanna eftir skiptingu Bestu deildarinnar. Leikurinn hefst klukkan 14:00 á Samsungvellinum.

ÍBV fer inn í neðri hlutann með 18 stig eftir 22 leiki og er í sjötta sæti af sex liðum. KA er næst fyrir ofan með 20 stig en Stjarnan er efst í neðri hlutanum með 28 stig.

Liðin þekkjast vel eftir viðureign sína um síðustu helgi, þegar þau skildu jöfn, 2:2. Fyrir Eyjamenn er því tækifæri til að sækja mikilvæg stig í Garðabæ og minnka bilið í liðin fyrir ofan.

Knattspyrnudeild ÍBV hvetur stuðningsfólk til að mæta á Samsungvöllinn og styðja strákana. Flautað verður til leiks klukkan 14:00.