Laxey sækir um leyfi fyrir 9.300 fermetra seiðaeldisstöð
default
Athafnasvæði Laxeyjar í Viðlagafjöru breytist dag frá degi. Mynd/Halldór B. Halldórsson

Laxey ehf. hefur sótt um byggingarleyfi fyrir rúmlega 9.300 fermetra seiðaeldisstöð við Viðlagafjöru. Umsóknin var tekin fyrir á afgreiðslufundi byggingarfulltrúa föstudaginn 18. september.

Samkvæmt umsókninni verður seiðaeldisstöðin alls 9.303,8 fermetrar að brúttóflatarmáli. Í byggingunni verða meðal annars eldisker, tæknirými, skrifstofur, búnings- og starfsmannaaðstaða, eldhús og önnur þjónusturými sem tengjast starfseminni.

Til samanburðar er núverandi húsnæði Laxeyjar að Strandvegi 104, í botni Friðarhafnar, um 13.000 fermetrar. Þar er seiðaeldisstöð ásamt skrifstofum fyrirtækisins á annarri og þriðju hæð. Fyrirhuguð 9.303,8 fermetra bygging við Viðlagafjöru 3 verður því um 72% af stærð núverandi húsnæðis.

Byggingarfulltrúi vísaði erindinu til umhverfis- og skipulagsráðs þar sem fyrirhuguð bygging er 39 sentímetrum yfir leyfilegri hámarkshæð samkvæmt deiliskipulagi. Einnig eru frávik frá skipulaginu sem varða uppbrot í húsveggjum.

Á sama fundi var samþykkt umsókn Laxeyjar um 412 fermetra viðbyggingu við núverandi fóðurgeymslu að Viðlagafjöru 1. Eftir stækkun verður byggingin samtals 1.557,8 fermetrar að brúttóflatarmáli.

Nýjustu fréttir

ÍBV vann mikilvægan sigur á KA/Þór á Akureyri
Verslum í heimabyggð
Í þjónustu við útgerðir og Eyjamenn í 45 ár
Herjólfur til Þorlákshafnar
ÍBV mætir KA/Þór á Akureyri
Úrslitakvöld Vöruhúsdeildarinnar í Höllinni á morgun
Feðgarnir mættust í þýsku B-deildinni – Erlingur fagnaði sigri
Gul viðvörun á Suðurlandi á laugardagskvöld
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.