Kvennalið ÍBV hélt lokahóf í gærkvöldi þar sem gert var upp glæsilegt knattspyrnusumar. Eyjakonur höfðu sannarlega tilefni til að fagna eftir frábært tímabil þar sem liðið hafnaði í þriðja sæti Bestu deildar kvenna og komst í undanúrslit Mjólkurbikarsins. Með árangrinum jafnaði liðið besta árangur nýliða í deildinni.

Lokahófið fór fram á Háaloftinu. Óskar Jósúa sá um veislustjórn og Einsi Kaldi sá um veitingarnar.

Á lokahófinu voru veitt verðlaun fyrir frammistöðu sumarsins. Olga Sevcova var valin besti leikmaður meistaraflokks kvenna og Edda Dögg Sindradóttir hlaut Fréttabikarinn sem efnilegasti leikmaður ÍBV.

Viktorija Zaicikova var jafnframt heiðruð fyrir að hafa leikið 100 leiki fyrir félagið. Þá lagði Guðný Geirsdóttir hanskana á hilluna eftir feril sinn hjá ÍBV. Henni var þakkað fyrir sitt framlag til félagsins.

Hér að neðan má sjá verðlaunahafa og myndir frá kvöldinu.

Meistaraflokkur kvenna

Besti leikmaðurinn: Olga Sevcova

Fréttabikarinn/efnilegust: Edda Dögg Sindradóttir

ÍBV-ari: Guðný Geirsdóttir

Markahæst: Allison Grace Lowrey

2. flokkur kvenna

Mestu framfarir: Maríanna Jónasdóttir

Markahæst: Eydís María Waagfjörð

ÍBV-ari: Ísey María Örvarsdóttir

Besti leikmaðurinn: Magdalena Jónasdóttir