Vegfarendur um Vigtartorg seinnipartinn í gær ráku upp stór augu þar sem ungur maður æfði breikdans. Þar var á ferðinni Moritz Schmid sem er búsettur í Vestmannaeyjum um þessar mundir til þess að vinna á Slippnum. Hann sagði í samtali við blaðamann Eyjafrétta að hann hafi æft breikdans í rúm fjögur ár og Vigtartorgið væri besti staðurinn sem hann hafi fundið í Vestmannaeyjum til að æfa sig. Hann sagði dansinn fyrst og fremst vera æfingu fyrir hann sjálfan en fólki væri velkomið að fylgjast með. Hann meira en til í það að taka nokkur spor fyrir blaðamann Eyjafrétta og afraksturinn má sjá hér að neðan.