Víglundur �?ór �?orsteinsson læknir fæddist að Brekku 24. júlí 1934 og ólst upp í Eyjum. Foreldrar hans voru Ingigerður Jóhannsdóttir húsfreyja og �?orsteinn �?. Víglundsson skólastjóri og sparisjóðsstjóri m.m.

Á unglings- og menntaskólaárum stundaði Víglundur �?ór á sumrum verkamannavinnu, síldveiðar og landbúnaðarstörf. Lauk landsprófi við Gagnfræðaskólann vorið 1950, stúdentsprófi við Menntaskólann á Laugarvatni 1954. Íþróttakennaraprófi lauk hann við Íþróttakennaraskóla Íslands 1955. Hann var kennari við Gagnfræðaskólann 1955 til 1956 og síðan þjálfari og íþróttakennari á sumrum 1955 til 1958 og læknaprófi lauk hann í febrúar 1964, bandaríska útlendingaprófinu í læknisfræði í mars 1964. Kandídatsárið vann hann við Sjúkrahús Vestmannaeyja 1964, þar með staðgengill héraðslæknis, – og á sjúkrahúsum í Reykjavík. Var við sérfæðinám og störf í Bandaríkjunum. Bandaríska sérfræðingaprófinu lauk hann og mastersprófi (MSc) frá University of Minnesota.

Almennt lækningaleyfi á Íslandi hlaut hann 24. september 1965 og sérfræðingaleyfi 8. mars 1971.

Á efri árum hefur hann m.a. fengist við að innfæra á Heimaslóð.is ýmsan fróðleik um Eyjar og Eyjafólk, m.a. Blik, Sögu Vestmannaeyja, Sögur og sagnir úr Vestmannaeyjum, ritverk Árna Árnasonar símritara og hefur ritað allmargar æviskrár Eyjafólks á slóðina.

Heimaslóð

Heimaslóð, menningar- náttúru- og söguvefur Vestmannaeyja opnaði 12. nóvember árið 2005. Síðan þá hefur vefurinn vaxið gríðarlega og nú eru yfir 29 þúsund myndir og yfir 8 þúsund greinar sem allar tengjast Vestmannaeyjum og fólkinu sem þar býr og hefur búið.

�?essi frábæri árangur hefur náðst ekki síst fyrir stórmerkilegt framlagt Víglundar �?órs �?orsteinssonar sem hefur í sjálfboðavinnu frá árinu 2006 unnið stórvirki í að safna saman, rita greinar og gera aðgengilegt efni um Vestmannaeyjar og Eyjabúa á veraldarvefnum á síðunni Heimaslóð og opna þannig aðgang fólks hvar sem það er statt að merkilegu gagnasafni sem áður var aðeins aðgengilegt á bókarformi, í skjölum eða einfaldlega ekki aðgengilegt almenningi.

Afrek Víglundar �?órs á Heimaslóð eru mikil og fyrir það ber að þakka. Víglundur �?ór hefur einnig verið sérlega öflugur við að fara yfir texta og myndir á Heimaslóð og tryggja að sem réttustu upplýsingar séu til staðar allt frá árinu 2006.

Blik

Árið 2007 var hafist handa við yfirfærslu Bliks yfir á stafrænt form í samstarfi við Safnahús Vestmannaeyja. �?ví verki lauk Víglundur �?ór �?orsteinsson árið 2010 og kom þannig öllu safni Bliks á Heimaslóð.

Greinar í Bliki eru um menningarmál af fjölbreyttum toga, og var ritstýrt af stofnanda þess �?orsteini �?ór Víglundssyni, föður Víglundar �?órs. Greinarnar fjölluðu m.a. um einstaklinga, merka atburði, daglegt líf, atvinnumál, sögu, merk hús og minjar Eyjanna, safnamál, bindindismál og yfirlit yfir safnmuni Byggðarsafns.

Árið 2012 stýrði Víglundur og sá um innsetningu á Sögum og sögnum úr Vestmannaeyjum sem Jóhann Gunnar �?lafsson safnaði saman og voru gefnar út á árunum 1938-1939.

Skjöl og greinar úr fórum Árna Árnasonar

Árið 2013 stýrði Víglundur og sá um innsetningu á öllu safni skjala úr fórum Árna Árnasonar símritara, en verkið var unnið í samstarfi við útgefendur verka Árna.

�?viskrár Eyjafólks eftir Víglund �?ór �?orsteinsson

Auk þess að vera virkur á öllum vígstöðum Heimaslóðar og bæta við upplýsingar sem þar eru hefur Víglundur �?ór ritað frá grunni fjölda greina um Eyjafólk eða um 3000 greinar. Víglundur rekur þar gjarnan ættfræði fólksins og tengir það saman. Víglundur hefur lagt áherslu á að segja sögu alls Eyjafólks og skrifað um fjölda karla og kvenna sem ekki hafði verið ritað mikið um áður og jafnvel ekkert.