Næsti Aglow fundur verður miðvikudagskvöldið 1. mars kl. 19.30 í betri stofu safnaðarheimils Landakirkju. Í janúar og febrúar ræddum við um ýmislegt í tengslum við að um þessar mundir eru fimmtíu ár frá eldgosinu 1973. Margar tilfinningar komu upp á yfirborðið. Næsta miðvikudagskvöld ætlum við að fjalla um hvað við berum með okkur frá fyrri kynslóðum. Við líkjumst foreldrum okkar í útliti en við erfum einnig margt innra með okkur. Því getur verið ágætt að skoða fjölskyldusöguna og með meiri þekkingu getum við rofið þá vítahringi sem við erum flæktar í. Fyrir stuttu talaði Sr.Hildur Eir Bolladóttir um þetta efni í útvarpinu og er hægt að hlusta á netinu; RUV / útvarp / dagskrá / þri. 14. febrúar kl. 6.45 / Morgunbæn og orð dagsins. Vera Björk Einardóttir og Þóranna M. Sigurbergsdóttir munu segja nokkur orð um efnið en þær hafa báðar lokið sálgæslunámi. Þetta efni var til umfjöllunar þar. Við munum ræða um þessi mál og verður tækifæri fyrir spurningar, vangveltur og umræður. Alþjóðlegur bænadagur kvenna er fyrsta föstudag í mars og verður samkoma í húsi Hjálpræðishersins við Suðurlandsbraut í Reykjavík föstudaginn 3. mars kl. 18.00. Efni bænadgsins kemur frá konum í Taívan og ætlum við í Eyjum að fara yfir efni bænadagsins á Aglow fundi 3. maí. Eins og hindin þráir lindir lifandi vatns, þráir sál mín þig, ó Guð minn. Sál mína þyrstir eftir Guði, lifandi Guði…..Sálm 42.2

Við hlökkum til að skjá ykkur sem flestar og allar konur velkomnar.