Svo virðist sem allt loft sé úr karlaliði ÍBV. Eyjamenn, sem töpuðu ekki leik til að byrja með í Íslandsmótinu, hafa nú tapað fyrstu þremur leikjum sínum eftir áramót, nú síðast gegn Stjörnunni í dag í Garðabænum. Lokatölur urðu 37:30 fyrir Garðbæinga en staðan er nú þannig að ÍBV er í harðri baráttu við Selfoss um fjórða sætið, sem er talsvert frá upphaflegum markmiðum Eyjamanna. Tapið í dag var jafnframt sjötta tap liðsins í síðustu sjö leikjum í 1. deildinni.