Tónlistarmaðurinn og eyjamaðurinn Andri Eyvinds bar sigur úr býtum í Jólalagakeppni Rásar 2 í ár með laginu Bakvið ljósin. Lagið, sem hann samdi sjálfur, fangar þá tilfinningu að hátíðarnar séu ekki endilega léttar fyrir alla, þvert á móti geti þessi tími ýft upp erfiðar tilfinningar hjá mörgum.

Andri fékk verðlaunin afhent í Popplandi á Rás 2 í dag, þar sem hann ræddi lagið og boðskap þess.

Hann hlaut glæsileg verðlaun að upphæð um 750.000 króna og þakkaði fyrir frábærar viðtökur við laginu.

Hér má sjá lagið hans Andra.