Leikmenn karlaliðs ÍBV geta nagað sig í handarbökin fyrir að mæta ekki tilbúnir til leiks gegn toppliði Gróttu en liðin áttust við í Eyjum í dag. Leiknum lauk með sjö marka sigri Gróttu, 24:31 en það var fyrst og fremst arfaslakur fyrri hálfleikur sem varð Eyjaliðinu að falli. Grótta náði um tíma ellefu marka forystu í fyrri hálfleik 7:18 en staðan í hálfleik var 9:18. Eyjamenn náðu muninum hins vegar niður í fjögur mörk þegar tíu mínútur voru eftir en þá tóku gestirnir aftur við sér og kláruðu leikinn.