„Því miður falla niður siglingar fyrri hluta dags vegna veðurs og sjólag,  en bæði er ófært til Landeyjahafnar og Þorlákshafnar. Ákvörðun sem þessi er alltaf tekin með hagsmuni farþega og áhafnar í huga, vonum við að farþegar okkar sýni því skilning. Tilkynning vegna siglinga seinnipartinn í dag verður gefin út kl. 15:00,“ segir í tilkynningu frá Herjólfi í morgun.

Fleira hrjáir því bæði Þrengsli og Hellisheiði eru lokaðar og spáin ekki upp á það besta samkvæmt samkvæmt Veðurstofu. Í dag verður vestan 15 til 25 m og dimm él, hvassast suðvestanlands. Dregur úr vindi og éljum vestan til síðdegis. Lægir enn frekar í nótt og léttir til. Suðvestan 5 til 13 norðan til á morgun, en hæg breytileg átt sunnantil. Bjartviðri. Frost 1 til 8 stig.
Vaxandi austanátt og þykknar upp sunnantil annað kvöld með snjókomu eða slyddu.

Ölduhæð í Landeyjahöfn er yfir fjórir metrar en verður komin í tvo metra síðdegis á morgun.