Breytingar hafa verið gerðar á siglingaáætlun Baldurs sunnudaginn 28. júní og mánudaginn 29. júní. Þetta kemur fram í tilkynningu frá Herjólfi ohf.

Vegna óviðráðanlegra aðstæðna falla niður þrjár ferðir frá Vestmannaeyjum á sunnudag, klukkan 08:15, 10:45 og 20:45, auk þriggja ferða frá Landeyjahöfn klukkan 09:30, 12:00 og 22:00.

Jafnframt falla niður allar þrjár áætlaðar ferðir Baldurs á mánudag. Það eru brottfarir frá Vestmannaeyjum klukkan 10:45, 15:45 og 18:15 og frá Landeyjahöfn klukkan 12:00, 14:30 og 17:00.

Samkvæmt tilkynningu Herjólfs ohf. verður siglingaáætlun Baldurs á sunnudag því sem hér segir:

Frá Vestmannaeyjum:

• 13:15
• 15:45
• 18:15

Frá Landeyjahöfn:

• 14:30
• 17:00
• 19:30

Farþegar sem eiga bókað í þær ferðir sem falla niður eru beðnir um að hafa samband við afgreiðslu Herjólfs til að gera ráðstafanir vegna bókunar sinnar, segir að endingu í tilkynningunni. Baldur hefur undanfarnar vikur sinnt hluta af áætlunarsiglingum milli Landeyjahafnar og Vestmannaeyja á meðan Herjólfur býr við skert vélarafl.